هذا الموضوع ليس اعلان عن شامبو .
بل هو ثلاثه مواضيع فى صفحه واحده علما بأن كل موضوع مستقل عن الاخر تمام .
الاول _ الشىء الذى لم يحدث فى تاريخ الكره الارضيه و حدث فى مصر .
طبعا انت مستعجل تعرف ايه هو اللى حصل فى مصر و لم يحدث فى العالم على مدار تاريخه .
هقولك يا سيدى العملتان .
لسه ما فهمتش اذا كنت من القاهره و شمال مصر مش هتفهم اما اذا كنت من صعيد مصر يبقى فهمت .
و بما ان العبد لله من المنيا التابعه لمحافظات الجنوب لذا انا برضه مش فاهم .
هبسهطالك . العمله المعدنيه فئه الخمسون قرش و الجنيه لا يتم صرفها فى جنوب مصر نهائيا .
يعنى و لا دكاكين و لا صيدليات و لا اى حد بيرضى ياخدها نهائيا.
تقولى بلغ الحكومه لان ده يعتبر امتناع .
هقولك ان البنوك و المصالح الحكوميه نفس النظام غير معترفه بها نهائيا .
و بناءا على ذلك النظام الجديد . انا اطالب من فوق هذا السرير بتقسيم مصر الى شمال و جنوب زى السودان .
و أدى دقنى ان اتصرفت العمله المعدنيه فى مركز مغاغه و لو بعد 10 قرون .
الثانى _ السيد حسن نصر الله
سمعت خطاب من السيد حسن نصرالله . عن موضوع المعتقلين فى مصر بسبب تهريب السلاح بحسب ادعائه .
و اتهامه بالارهاب بحسب الحكومه المصريه .
انا و لا بثق فى كلام نصر الله و لا بكلام الحكومه المصريه .
لذلك سوف اقول شىء مفيد جدااا حتى لا تصاب بالصداع .
احنا و لا بنحب نصر الله و لا الحكومه لذلك كل ما نقدر على فعله ان احنا نسيبهم ياكلو فى بعضيهم.
و نريح دماغنا حتى نصدعها فى اشياء اهم .
زى زحمه المواصلات و رغيف العيش و قضيه التوريث و ابن الوزير النصاب .
و مصايبنا التى لا تنتهى .
و اخيراا ربنا يصبر حكامنا على مصائبنا .
و اترككم مع الله .
