التعليم المباركى

اهلا بيكو معانا مره تانيه

النهارده هنتكلم عن التعليم فى مصر

و ما ادراك ما التعليم فى مصر

انه تعذيب و ليس تعليم

مؤخراااا مات تلميذ على يد مدرسه

لماذااااا

الم تسال نفسك لماذا

المدرس : قرفان من الوزاره و من التعليم و من الكادر اللى مش راضى يحصل

التلميذ : قرفان من التعليم دروس زى الزفت و مواد كلها عك فى عك

اما انا زهقت من الاتنين

التلميذ : لانى كنت تلميذ و كنت بكره اليوم اللى دخلت فيه المدرسه

المدرس : بيجى المدرسه قرفان يطلع همه فى الطلاب

مين السبب بقى

الحدق يفهم

مرتبات تعبانه مش محصله 300 جنيه

طيب ازاى المدرس هياكل منين و يشرب منبن و اولاده هيربيهم ازاى


التلميذ زهقان من الكتب الدراسيه اللى هى اساسا من صنع اللى بالى بالك

زى ما فى مره كنت فى الثانويه

فنزل مفتش المدرسه فى زياره مفاجاءه

و المدرسه عارفها انه جى من قبلها باسبوع

طيب ازاى مفجاْه و ازاى عارفين الميعاد

المهم المدرسه بدات فى التنظيف وكده

دخل المفتش المدرسه

اول ما شافه المدير رحب بيه كأنه ابوه و طلع من التربه

دخل المفتش الفصل

بداء يسال التلميذ

محدش عارف يجاوب امخاخ العيال نظيفه زى حوش المدرسه بالظبط

فسال سؤال كنت عارف اجابته

فقالى جاوب

اول ما قمت

رحت جاوبت بكل ثقه

و لكن الاجابه طلعت غلط

اليوم ده شبعت من التتريقه عليا

و من يومها حلفت انى مش هجاوب على حد ان كان مفتش و لا وزير و لا حسنى مبارك.

لكن رجعت و بدات اسال نفسى بعد حكايه المدرس و الطالب .

ايه اللى حصل للتعليم فى مصر .

لقيت شويه اسباب.

انعدام الضمير لدى المدرس

انعدام المسؤليه لدى الطالب

مفيش مراقبه على التعليم زى الناس

كل واحد همه يترقى او يدور على شغل بعد الظهر علشان يقدر يعيش

يا رجل دى زوجه محمد البرادعى علشان تدى حضانه فى اروبا خدت دكتوراه

و الا ما كانوش وافقو عليها

دكتوراه مش دبلوم معلمين

يا عم صلى على النبى

دا انت فى مصر

و بتنفخ فى قربه مفشوخه مش مخرومه

قطار الصعيد

اول من تنباء بحادثه هذا القطار على فكره انا مش منجم و لا عراف.

لكن (رحم الله امرىء عرف قدر نفسه)

و انا عارف قدر نفسى و بلدى المنكوبه.

يعنى من الطبيعى تحصل حادثه فى بلد زى بلدنا و وزير زى وزيرنا.

المصريين كلهم عارفين انهم فى خطر و مع ذلك مش قادرين يعملو حاجه.

يعنى اول امبارح كنت ماشى مع صلاح (صلاح ده زميلى)

فبتكلم معاه على احوال البلد و حسنى مبارك و اعوانه و المفروض نقف للظلم .

فرد عليا يقول : العفو عند المقدره.

العفو ماشى لكن فين المقدره .

حسيت انه بيصيع عليا رحت سكت و قولت فى عقل بالى مفيش فايده اسكت احسن.

لكن برجع و اتناقش معاه .

اقرب وقت النهارده بكلمه فى حادثه القطار .

فيرد يقولى : ده كان بضاعه مفيهوش بنى ادمين.

انا سمعت كلامه حسيت انى عايز اكله بالقلم على وشه و افوقه .

لكن قولت بلاش ده باين عليه ماشى مع الحكومه و عايز يبلغ عنى .

اصل اليومين دول محدش ضامن نفسه .صلاح زميلى من 10 سنين مع ذلك خايف منه .

كل واحد ياخد باله و بلاش كلام كتير فى السياسه علشان محدش يتعور .

زى ما فى مره امى راحت اشتكتنى لجدتى علشان بتكلم فى السياسه.

فلما قابلت جدتى بعدها قالتلى : بلاش شغل السياسه دى اخرتها وحشه.

انا سمعت الكلمه كان هيغوما عليا لولا مسكت نفسى .

فسالتها : اخرتها وحشه ازاى يعنى .

فردت: اصل الواد احمد جيرنا كان ماشى مع الجماعه السنيين (قصدها الاخوان المسلمين) فقبضو عليه باليل و رموه فى الصحرا و مات من العطش.

انا زى ما تقول كده لقيت نفسى بتكلم مع روحى رحت سيبها و ماشى .

مفيش بعديها بكام يوم رحت عندهم لاقيت المذكور اعلاه احمد جيرانهم واقف قدام الباب

اول ما دخلت رحت سالتها ما احمد رجع اهو و ما حصلوش حاجه

قالتلى : اصله طلع مرشد للمباحث

و كل سنه و انت طيب

يوم 4 نوفمبر.. عيد الحب فى كل مصر... اوعى تقول مصر وحشه.. قول حكومه فاشله و حزب فاشل

دعوه مصريه زى 6 ابريل
عيد الحب بين كل المصريين
عيد لنا ....
كل الاعياد التى نحتفل بها
لم نشارك و لو بذره فيها
فلماذا لا نحرر يوم 4 نوفمبر عيد لنا .
ايها المصرى.. الجيل الحالى لم يشارك فى اى انجازات .
و اقرب انجاز كان 6 اكتوبر..
و الاحياء من هذا الجيل كثير ..
و لكن احنا الشباب .
فلنحتفل بيوم 4 نوفمبر عيد لنا ..
و يا ريت يكون 6 ابريل عيد لنا شاهد على هذا الانجاز .
نعم 6 ابريل كان انجاز اول مره يقوم الشعب ..
منذ ثوره الحراميه اللى كان فيها اهلنا و جيرنا و شعبنا برضه لكن السادات طلعنا حراميه.
الشعب المصرى كله حراميه..كما قال السادات
الشعب المصرى كله مشاغبين...كما قالت حكومه مبارك.
دعوه من اجلك و من اجلى و من اجل 80 مليون مواطن .
دعونا نشارك كل ما عليك ان يكون هذا اليوم يوم لمصر.
علق علم مصر فى بيتك فى عربيتك على ملابسك.
دعوه لكل مصرى 4 نوفمبر .
عيد الحب .
دعوه من اجل الشعب.
دعوه حتى نكون شعب واحد.

بنى اسرائيل

تفتكر ممكن تحصل

لسنا أول بلد انفتح فانسرق..

ولسنا أول شعب غفل فاتنهب..

ولسنا أول وطن تحكمت فيه الديكتاتورية وحكمه الاستبداد فاتدحدر وانحدر!

حصلت قبلنا أكثر من مرة في أكثر من بلد ولأكثر من شعب ووطن، في أمريكا اللاتينية مثلاً كان الطغيان يحكم بلادها كلها، صعد للحكم في

انقلابات عسكرية مجموعة من الظلمة المستبدين الذين خنقوا الشعوب واعتقلوا وسجنوا وقتلوا المعارضين وزوروا الانتخابات ولزقوا علي

مقاعد السلطة.. وانتشرت تجارة المخدرات وتنامت أسواق الكوكايين، ولكن المواطن اللاتيني الذي استسلم وسلم لم يستطع عليهم صبراً وفي

أقل من عشر سنوات ثارت الشعوب وقامت في مظاهرات واعتصامات واحتجاجات عارمة وفي عصيان مدني مستمر وقاد تلك الشعوب

رجال وعلماء دين مسيحي، أدركوا أن الدين يرفض الظلم والاستبداد ويأبي علي المؤمن الحقيقي عبادة الفرد والذل أمام الحاكم وأن شعائر

الدين ليست صلاة وصومًا، بل نضال وكفاح ضد الفساد والاستبداد، فخرجوا من معاهد اللاهوت ومن دور العبادة والكهنوت ليديروا ثورات

سياسية سلمية انتهت بتحول دول أمريكا الجنوبية كلها «ماعدا كوبا» إلي دول ديمقراطية ذات انتخابات حرة نزيهة ورئاسة غير أبدية

وانتقال سلمي للسلطة وللرئاسة «الشعب الفنزويلي رفض في استفتاء شعبي فتح مدة انتخاب الرئيس للأبد ولم يعمل مثل جماعة عندنا

ينافقون ويوافقون ويعبدون رئيسهم»!!، أمريكا الجنوبية وهي تنهض من الطغيان تميزت بشيئين، الأول سياسات رافضة ومعارضة

لأمريكا ولرأسمالية صندوق النقد والبنك الدولي، بل انحازت للفقراء والبسطاء ومحدودي الدخل وشهدت أكبر تراجعات لاكتناز المليارات

وتقلص بروز المليارديرات من نهابي الأمة وسارقي الثروات ومحتكري الأسواق، الشيء الثاني أن الزعامات التي تولت الحكم في انتخابات

شريفة ونزيهة كانوا من أبناء الطبقة الشعبية والمتوسطة ومن العمال والفلاحين!


علي الناحية الأخري، في إيطاليا كان الفساد منذ أقل من عشرين عاماً عارمًا وساحقًا، ونهشت عصابات المافيا كل ركن في ضمير كل

مسئول وحاكم ورئيس، وصارت إيطاليا تقريباً أول بلد في العالم تحكمه عصابات من الرئاسة وحتي كرة القدم، لكن الشعب الإيطالي لم يقل

«مفيش فائدة» وسكت وخاب، أبداً خرج قاض ثم آخر وثالث، وبدأوا يعلنون حرباً في المحاكم ضد مافيا الفساد في الحكم وانتفضت ثورة

القضاة وخلصوا وطنهم من عار العصابات الحاكمة والمتحكمة وعادت إيطاليا ديمقراطية أوروبية عفية.


وفي روسيا وصل بوتين إلي الحكم وكان البلد مسروقاً ومنهوباً تماماً، والمواطن الروسي يأكل من أكوام الزبالة والفتيات الروسيات يحضرن

إلي مصر ليرقصن في شارع الهرم، كان يلتسين قد فتح روسيا لمجموعة من رجال الأعمال والغريب «وربما ليس غريباً» أن معظمهم

كانوا يهوداً، واشتري هؤلاء مصانع القطاع العام وشركات البترول والطاقة المملوكة للدولة، وسيطروا علي أراضي وممتلكات الشعب

الروسي، وحصلوا عليها برخص التراب وبعمولات وسمسرة من عائلة يلتسين، نهب رجال الأعمال الروس والأجانب روسيا وعروها من

قوتها وثروتها، ثم سيطروا علي مقاليد الحكم في الكرملين عن طريق تمويل الحملات الانتخابية وشراء مقاعد البرلمان وبرطعوا في البلد

طولاً وعرضاً، ثم اشتروا الصحف والمجلات التي كانت مملوكة للدولة، وأداروا عملية احتكار إعلامي وغسيل مخ للمواطن الروسي، تولي

بوتين الحكم وأجري حركة تطهير وتجريف لفساد رجال الأعمال الذين نهبوا روسيا، واستطاع أن يحاكم ويسجن عدداً منهم في تهم فساد، ثم

أعاد قسراً وغصباً أو التفافاً ومرواغة الشركات والمصانع التي اشتراها رجال الأعمال لملكية الدولة، ثم دفع كثيراً من أساطين المليارديرات

الروس للتخلي عما اشتروه من شركات البترول والطاقة بالرشوة والفساد والإفساد، وعادت ثروات الشعب للشعب وانتقلت روسيا من دولة

مهترئة ومضعضعة إلي دولة قوية وصلبة وقادرة، ثم إن بوتين «لم يتبت» في رئاسة الدولة، ورضي بأن ينتقل إلي رئاسة الحكومة، هذه

دول نجحت بعد فشل وقامت بعد سقوط، هل يمكن أن تفعل مصر ذلك؟.. معرفش اسألوها!

تعليق

هذا مقال للكاتب الكبير ابراهيم عيسى
و عندما قراته حيرنى هذا السؤال الذى ساله هل ممكن ان تفعل مصر هذا
نعم ممكن يا استاذ ابراهيم ممكن باولادها الشرفاء اللى زى و زيك و زى
كل مصرى بيحب بلده.
بلدنا نعمه من الواجب المحافظه عليها.
تخيل نفسك بدون وطن و بدون هويه.
ماذا يكون حالك.
و هذا السؤال يكون للمصريين و ليس لمصر.
لان مصر هى المجنى عليها .
و الحكام هم الجناه و القضاه.
فهم الخصم و الحكم.
متى نكون ندا لكل ظالم و متجبر.
انى متفاؤل بهذا الجيل الجديد .
و احساسى لم يخيب املى ابدا.
هذا الجيل هو بدايه النهايه.
لمبارك و العادلى و نظيف و بطرس غالى .
هؤلاء هم فرعون و جنوده.
و سوف نقوم نحن بدور بنى اسرائيل فى هذه المسرحيه.
فقومو ايها المصريين .
الا تستطيعو ان تكونو مثل بنى اسرائيل .
اما سوف تبقو تبحثون عن موسى كثيرا.

فضيحه عساكر المرور

فضيحه الرشاوى التى يتقاضاه عساكر المرور فى مصر

منظر من المناظر اللى شبعنا منها على ايد الداخليه .

ربنا يبارك فيك يا وزير الداخليه و يخلى حكومتك الرشيده.

الفيديو تحت بصو عليه و شوف و قول رايك.

اذا لم تستحى فافعل ما شئت.

اذا بليتو فأستترو.

الى الامام يا عدلى و عايزين نشوف فضايحكم كمان و كمان.

قبح النظام.

الفساد والترهل والقبح هو اقل ما يمكن ان نصف به النظام الحاكم حاليا..
فلم اكن في يوم مهاجما مثل اليوم ، ولكن طفح الكيل ، اخذت افكر في كم الكوارث التي حدثت هذا العام ، ومدى البلادة التي تبدو على هذه الحكومة في التعامل مع هذه الكوارث.. ولنرصد معا هذه الاحداث:-


فشل امني : اختطاف السياح الاجانب وعدم المقدرة على التعامل مع الموقف
كارثة الدويقة والتي راح ضحيتها المئات من الاشخاص والمشكلة ما زالت قائمة ولا حلول
الحرائق المستمرة من مجلس الشورى للمسرح القومي ولا نعلم من القادم
كادر المعلم وعزوف الطلاب عن المدارس ومشاكل التعليم التي لا حصر لها
مقتل جنودنا على الحدود مع اسرائيل والتعتيم الدائم على مثل هذه الامور
اضرابات 6 ابريل وتعامل الشرطة بشكل غبي مع شعب المحلة
اعتصامات اساتذة الجامعات ورفضهم سياسة وزير التعليم العالي
الاعتداءات على قضاة مصر الشرفاء
مسلسل سقوط رجال الاعمال
تطبيخ انتخابات المجالس الشعبية المحلية وانهاء الامر لصالح الحزب ( المستبد ) الحاكم.
حتى الرياضة : فشل زريع وملاين اهدرت على لا شيء وخيبة امل عاد بها ابطالنا العظماء من بكين....
اعتقالات
انتهاكات للحرية
جهاز شرطة استباح كل شيء وسيطر على كل شيء وكل شخص،، سيطر حتى على افكارنا.
لا شيء يتم دون رشوة وهدايا ( وتظبيط )
وزير مالية يسيطر على كل موارد هذا البلد ويستنزف ( اموال الغلابة ) ،،، حتى الحلاق عمل عليه ضريبة..
ومازال مسلسل الخصخصة العظيم مستمرا وبيع كل ما هو كسبان ورابح
...ترى اهناك قبح اكبر من ذلك.
ترى متى يأتي اليوم ونرى الصورة اجمل من ذلك..
ان كل ما فعلناه ما هو الا رصد لما هو كائن ، ولم نعقب ، ولم نحلل الاسباب. رغم ان كل موضوع من هذه المواضيع كارثة وحدة ويحتاج الى صفحات وصفحات .... قد اكون كئيبا او مخطئا؟؟ فهل من احد يدلني على شيء فعله هذا النظام وافاد هذا الوطن. . . والله افكر فلا اجد اللهم الا ان فعل هذا النظام شيئا صالح فيكون هذا الشيء من اقل الواجبات عليه.... وحتى اقل الواجبات ... فمن منا يذهب الى مستشفى حكومي للعلاج .. وان ذهبنا اضطرارا من منا يخرج سعيدا بالخدة التي قدمت اليه.. من منا لا يوجد عاطل بأسرته ... من منا لا يرى ولا يسمع ولا يشم رائحة الفساد التي تفوح وتعلو حتى اصبح الهواء الذي نتنفسه هواء بطبعه فاسد...
ترى اسيبقى هذا النظام ونظل كما نحن؟؟؟ ام ان شيئا سيتغير؟؟؟
اوهام تراوضني فسامحوني عليها

سيف الامه


تعليقي
هذا المقال المنشور ليس انا الذى كتبته و لكن كتبه اخ و صديق عزيز عليا.
و طلبت منه ان انشره و وافق على ذلك .
و طلب منى ان يكون امضاء المقال سيف الامه .
ثانيا.
احب ان اشكره على هذه الكلمات الرائعة.
ثالثا.
اود ان اقول لكل مصرى.
لقد اتى عليا يوم و قد قررت السفر بعيد عن هذه البلاد المنكسه الراس
و لكن بدات افكر فعرفت ان هذه البلاد اكبر ضحيه
لسببين
1-وجود حكام ظلمه على ارضها
2-وجود شعب لا يقدر على الدفاع عنها
هؤلاء هم نكسه هذه الارض
و عندما قرات تلك الحوادث فى المقال تذكرت مدى الحاله
التى وصلنا اليها
على يد فرعون و هامان و قارون و جنودهم
و هو الذى ادخل الى بلادنا الاجانب بما يسمى
جماعات حقوق الانسان
و وضع نفسه فى وضع الحرامى الذى ياتى
الحكومه لكى يفتشو عن المسروقات
ايها المبارك على نفسك و على اولادك و بيتك
انت نكسه الى هذه البلاد
فمن منكم يحب بلده و لن يتركها .
الكره فى ملعبكم الان.
ايها المصريين
و انتظرو
قريبا
فضيحه
وزير المواصلات
على مدونه
بحلم ببكره يكون نهار

خمسه فرفشه

ده فيديوهين علشان تفرفش و ما تحسش بملل و اضحك براحتك بس افتكر انك بتضحك على نفسك مش على حد تانى .

رجال مصر

سمعت عنهم الكثير و الكثير (رجال مصر) و عرفت عدد ضئيل منهم.
منهم الرائع محمود السعدنى الملقب بالولد الشقى.
و الرائع احمد فؤاد نجم .
و لكم تمنيت ان اقابلهم و لو مره فى العمر و لكن لم يصادفنى الحظ.
اليوم سوف اتكلم عن نساء و لكن ما هم بنساء هم رجال و اكثر من الرجال .
و هذه السيده الموجوده فى الفيديو خير دليل .
هل ايها القارىء العزيزتحسب نفسك من رجال مصر.
الذين قال عنهم النبى عليه الصلاه و السلام خيره جنود الارض.
هل رجال مصر اليوم خيره جنود الارض.
بالطبع لا .
و السبب انهم غير قادرين على الوقوف فى وجه بضع الاف من الحكومه و العملاء.
الا يقدر شعب قدره 80مليون و يزيد الوقوف فى وجه الحكومه الظالمه .
اين الصحوه المصريه .
سوف انتقل الى جانب ثانى و هو ما يوجد فى ذلك الفيديو .
هذا الفيديو فضيحه للحكومه و لحبيب العادلى بالاخص .
سيده تكشف اسماء بعض من الكثير من اسماء اولاد حبيب العادلى.
تكشف للحكومه اخطاؤها امام كل الناس و لكن من يسمع .
هل الرئيس يسمع ام انه شخص مصاب بالطرش.
لكن ليس مبارك وحده هو الذى مصاب لكن الشعب المصرى كله .
كل من يقول انا ماليش دعوه.
ويلاً لنا من يوم عندما نرى فى انفسنا قوم سيدنا نوح عليه السلام.
وضعو اصابعهم فى اذانهم.
فعندها لا يجدى الكلام نفع .
و لكن لا يجب ان ننتظر لهذا اليوم .
نعم.
لا يجب ان ننتظر اصحو ايها الشعب المظلوم .
فى يوم نصبح عبيد لمبارك و ابنه الرئيس القادم.
و هل موت مبارك حل لكى نخرج من هذه الفتره العصيبه.
الا يوجد شخص منكم ينزل الى شوارع بلده.
الا ترى الناس جياع.
لا يجدو ما ياكلون به و لا يجدو ماؤى لهم غير الشوارع فى عز البرد.
الا تضع نفسك فى هذا المنظر .
هذا المنظر لا تراه الا فى مصر.
مصر التى كانت من احسن بلاد العالم فى عصر الملكيه.
و هقولك على الفرق.
ارجع الى زمن الملك فاروق.
كان المصرى اذا سافر الى اى بلد اوروبى او عربى كان يقابل بكل حفاوه و احترام.
انظر الان فى الخارج المصريين خداميين .
نعم خداميين و لا اخجل من ذلك لانها الحقيقه ايها البشر.
كم من المرات صحيت من نومك على وقائع تعذيب المصريين فى البلاد الاخرى .
اصبح المصريين اقل الشعوب على وجه الارض كرامه .
و هذا بسبب الحكومه الله يكرمها كمان و كمان .
علشان نشوف اللى عمرنا ما شوفناه .
و اخيرااا.
عندما تقراء و تتفرج لا يجب ان ترجع كما كنت صخره بارده.
من راى منكم منكرا فليغيره بيده او بلسانه او بقلبه و هذا اضعف الايمان.
اتحب ان تكون ضعيف الايمان .
جاوب على هذا السؤال .
و لا تخاف لان خوفك هو ماءساتك ايها المصرى.
ايمانك اعز ما لديك فلا تكن ضعيف الايمان.
لا تأسفن على غدر الزمان لطالما.... رقصت على جثث الاسود كلابا
تحسبن برقصها تعلو على اسيادها....لاكن تبقى الاسود اسود والكلاب كلابا

احنا بتوع الحكومه يا اخونا(محدش يفهمنى غلط)

و الفيديو ده حاجه من فضلت خيركم بعض وقائع التعذيب علشان تتفرجو .
و تتدعو للريس ربنا يخليه و يطول عمره.
و تحبو حبيب العادلى و اولاده الضباط الحلوين اللى يتحطو على الجرح يطيب .
و كل سنه و انت طيبين يا شعب مصر الكريم.
بس انا ليا سؤال و يا ريت حد يجاوب عليا و ميسبنيش و يمشى.
احنا مستنين ايه علشان نصحى من النوم فى العسل.
منتظر اجابتكم.

هل تحب الحكومه

انه سؤال مكون من ثلاثه كلمات . هل تحب حكومه بلدك ؟ الكثير سوف يتردد فى الاجابه و من الممكن ان لا يعرفها . لكن انا سوف اساعدك فى الاجابه. هل لو حدث و حادث و راح ضحيته عدد من رجال الشرطه . هل سوف تحزن؟ هل سوف تفرح؟ اما مش فارقه معاك. لو حزنت فاعرف انك رجل حساس و شاعرى زياده عن اللزوم و برضه بتكره حكومه بلدك. اما لو فرحت و لم تشعر بأى شعور حزين فاعلم انك تكره حكومه بلدك. اما لو ما فرقتش معاك فاعلم انك لن تغير شىء فى بلدك.

و هذه كارثه ما بعدها كارثه .
ايها المواطن المصرى الشريف سوف اتركك مع بعض الصور المعبره.
للشعب المصرى الذى استحمل كل انواع
ظلم الحكومات.
و يا ريت تتفرج على الفيديواللى فوق علشان تحبهم اكتر.
لكن والله لتبكو من المناظر .

اللهم انى مغلوب فأنتصر.