رسايل من مواطن سكران

هذه الرسائل كتبت فى ساعه سكر

و السكران كالنائم ليس عليه حرج

و نود من القارىء العزيز عدم فهمى خطاء

و لكن ساعه الحظ ما تتعوضش

فهيا بنا نرى ما هى نوعيه تلك الرسائل

الى السيد الرئيس محمد حسنى مبارك عظم الله قدره

اود ان اكتب لك هذه الكلمات . هل انت مسلم ؟

( ما انا سكران بقى )

اذا كنت مسلم فاين الاسلام من حكمك من العدل و الشورى

الم تسمع عن امام عادل يظله الله بظله يوم الدين

و ان كنت غير مسلم

فاحب ان اقول لك ان حكمك لمصر حكم غير شرعى

لان اول شرط فى رئيس الجمهوريه

ان يكون مسلما

و اطالبك بالتنحى عن الحكم.

الى حزب الغد

لقد خرج الاسد من عرينه

فانى سمعت كلامكم السابق عن الجهاد المنتظر

و اود ان ارى ماذا سوف تفعلون الان

ام سوف تسقطو من نظر الشعب و تصبحو مثل الناصريين الحنجوريين

الى الجماعه المحظوره( الاخوان المسلمين)

لقد اراد حسن البنا ان ينشر تعاليم الاسلام من الشعب حتى يصل الى الحكومه

اما انتم تريدون ان تنشروه من الحكومه الى الشعب

و هذا هو الفارق الوحيد الذى جعلكم لا تقدمون و لا تأخرون

الى اللواء حبيب العادلى

خدمت ضابط قبل ان تصبح لواء

و كنت من اشد الضباط عجرفه و كبر

فهنيئا لك تلك الصفات التى ولتك المسئوليه

الى ابناء حبيب العادلى

ارحمونا ايها السفهاء

الى السيد احمد نظيف

شكرا لك مهمتك اوشكت على الانتهاء

لقد اتيت لتنظيف خزينه الدوله

و قد حدث مشكور لمجهودك

الى السيد يسرى الجمل

لقد فعلت كالجمل

يشرب لكى يخزن المياه و ليس لانه عطشان

الى الدكتور حاتم الجبلى

حضرتك متأكد انك خدمت فى مستشفى حكومى قبل كده

الى مصر

سوف تبقى احسن البلاد فى نظرى برغم حكومتك الفاشله

الى شعب مصر

شعب مصر دائما ابطال

منذ ان قال الحبيب المصطفى هم خير اجناد الارض

فأصبرو على الظلم ان لم تكونو قادرين على رده

و شكراااااااا

لصبركم و طول بالكم

شعبى يقول ايه تواطؤ معاه

شعبى يقول ايه تواطؤ معاه

هذه الكلمه قالها السادات من قبل فى الفيلم و ربما فى الحقيقه

و قالها ايضا 100% مبارك و لكن هذا قالها فعلا

و ربما نراها بعد سنوات او بعد شهور فى فيلم

و لكن على حسب التساهيل و عمو حزقيل ينجز معاه

عمو حزقيل اسم حركى لملك من ملائكه السماء

و هذا للتوضيح لان مصر فيها كتير دماغهم قفلت من كتر الفول

المهم


هنشوف نفس المشهد بتاع السادات لما كان متخفى فى احمد زكى


و وقف و قال باعلى صوته

شعبى يقول عليا ايه متواطؤمعاه بلغ بيجن احتجاجى الرسمى على ضم القدس


و فعلا القدس اضمت و الاحتجاج ذهب مع الريح

و هنا احب اوضح

السادات كان مع بيجن فى مؤتمر و بعد ما بيجن رجع اسرائيل على طول

ضم القدس و بدء فى قتل العرب الفلسطنين و ضرب مفاعل نووى تابع للعراق

اما اليوم

مبارك مع ليفنى فى مؤتمر عالى الجوده لان الست دى مزه

و تانى يوم تطل علينا جريده الاهرام اجتماع موفق بين مبارك و ليفنى

و تالت يوم ضرب غزه و مقتل بتاع 400 واحد على 1000مصاب

و الله اعلم بالارقام الحقيقيه

بس المشكله ان العرب زعلانين على موت 400 واحد

طيب زعلان ليه ما كل يوم بيموتو شويه

كل العمليه ان المره دى ماتو على بعض بالجمله يعنى

تعالو نشوف بقى حكايه المعبر المقفول

معبر رفح مغلق و لو انفتح حاليا يبقى المعاهده اللى بين مصر و اسرائيل ملغيه

الا لو بشويه كرم من اسرائيل تعتبر الموضوع و كأنه ما كان و هما الكسبانين قتلو بتاع 400 واحد

اما لو الرئيس مبارك عظم الله قدره استذكى على اليهود و فتح المعبر للجهات الرسميه زى الاطباء و المعونات و الاغذيه

و اخد الجرحى لكى يتعالجو فى المستشفيات المصريه بتاعت الداخل مفقود و الخارج مولود يبقى تمام بس ما يفتحش المعبر


و ده رد سياسى على الموضوع .


اما الرد الدينى .

يعنى مثال واحد زميلى اسمه سعد ابو شنب داخل عليا يصوت و زعلان على اللى حصل

و لما قولتله القصيده اللى فوق

قاللى دول مسلمين زينا زيهم المفروض نفتح المعبر علشان يدخلو

رحت رادت عليه و قولت : يعنى حضرتك بعين ابوك مش فاكر الدين و الاسلام بيقول ايه غير دلوقتى

و اليهود عمالين يدبحو فيهم من بتاع 60 سنه و انت برضه بتتفرج اشمعنى بقى .

و لو عامل راجل روح اطوع و لو معرفتش اتصل بيا و انا ورحمه امى اسفرك فلسطين بسلاحك كمان



و اظن ان ده رد دينى كفايه على ابو شنب صح

اتكلمت عن الوضع السياسى و الدينى هتكلم بقى عن الوضع العالمى

العالم قدام اسرائيل لا يساوى جناح بعوضه

يعنى بالرياضه قد النمله و يعمل عمله

اصغر امه فى العالم مفيش حد قادر عليها

و اوعى تقولى الامم المتحده

هرد عليك برضه علشان انت شكلك بتستغبى عليا


الامم المتحده يا سيد تقدر على العراق او افغانستان

لكن اسرائيل لا

اسرائيل دى هى اساسا الممول الرسمى ليها

زى فودافون و الاهلى كده و زياده 1000000مره

فهمت و اخيرا بقى


طبعا ما عندكش شجاعه تطوع و ده امر مفروغ منه

و ليس لديك القوه لاجبار العالم للوقوف فى صفك

و ليس لديك المال حتى تكون الممول او الراعى الرسمى للاهلى قصدى الامم المتحده

فهمت يعنى من الاخر انت ملكش لازمه فى الدنيا

و دليلى على ذلك

الانتحار

مش هتقدر تعمله لاما علشان جبان

لاما علشان بتقول ده يبقى مات كافر

طيب لما تقف تتفرج على بتوع فلسطين و العراق و افغانستان و هما بيموتو ده يبقى ايمان

لا طبعا هيبقى كفر برضه

بس انا مش بشجعك على الانتحار

بل بالعكس

لا يغير الله ما بقوم حتى يغيرو ما بانفسهم


و اخيرا

نأسف على هذا الموقف العربى المحرج للرئيس محمد حسنى مبارك

فلسطين

طبعا كتير مننا نسى اسم فلسطين

اوعى تتضايق لانها الحقيقة

اين فلسطين اليوم

أرد عليك فلسطين مش موجوده اساسا على التليفزيون


سوى فى فتح و حماس طيب فين الشعب الفلسطيني


هل كل الشعب فتح و حماس ابدااااا


الشعب الفلسطيني يجاهد عشان بلده مش عشان يتولى السلطه


السلطه التي اعمت جميع رؤساء الدول النامية العربيه و غير العربية


كل واحد تحت طيزه كرسي مش عايز يقوم من عليه


كانه اتولد بالكرسي ده كلام .


نرجع لفلسطين . هل قراءة يوم خبر عن فلسطين دون ذكر فتح او حماس


ابدااااااااااااااااااااااا


كل يوم قرف

شويه عمر سليمان و حماس

و شويه عمر سليمان و فتح

و شويه عمر سليمان و اسرائيل


انا نفسي اعرف هم العرب كلهم اتجمعو فى شخصيه عمر سليمان


مين عمر سليمان ده اللي الناس بتتكلم عنه و عمل ايه


كل يوم مفاوضات و مفيش فايده يعنى الراجل ده مش قد منصبه او مش قادر يقوم بالعمل الموجه اليه


يبقى مصداعين دماغ اللي خلافونا ليه


يعنى مره فى جامعه المنيا ايام مظاهرات الانتفاضه الشباب عملوا اعتصام داخل الجامعة

عشان يفتحو ليهم باب التطوع طبع رئيس الجامعة مش موافق


يوم و التاني و الاعتصام مش راضى ينفض


فنزل للطلاب فى الحرم و قال لهم : اللي عايز يتطوع للجهاد لفلسطين

يدخل مكتبي و يكتب اسمه و انا و شرف امي هخلى يروح فلسطين

(على فكره الراجل كان هيسفرهم فعلا )

بس المهم طلع الى مكتبه فى اخر الشهر بيسال موظف السكرتاريه

كام واحد كتب اسمه قال له: و لا واحد يا ريس

شوف الرد: امال ولاد الشراميط دول بيطنططو ليه

سوري للفظ بس انا بحكي الموضوع كما حكاه لي شخص كان موظف فى الجامعة

طيب ده كلام يعنى تفضل تتكلم و فى الاخر تجرى

حسيت ان احنا شعب فرعوني ماينفعش معانا غير مبارك و امثاله الذين ينتسبون الى فرعون موسى

و هامان و قارون



انا عايز اقول من الكلام ده ان احنا لازم نكون قد كلامنا

ارجو استمتاعكم معنا

( من المؤمنين رجال صدقوا ما عاهدوا الله عليه .. فمنهم من قضى نحبه ومنهم من ينتظر وما بدلو تبديلا).

الاراجوز

الاراجوز فيلم للفنان الكبير عمر الشريف هذا الفيلم لم يعجب كثير من المصريين و لكنى عشقت هذا الفيلم .

و احسست ان به روح لم تتجلى لاي فيلم من قبل او من بعد . فيلم فى غايه الروعه .


و حكايه الفيلم لمن لم يشاهده هي عباره عن.

الاراجوز (عمر الشريف) رجل طيب . خفيف الظل . عميق الحزن . مقبل على الحياه بكل همته .


له ابن يسمى بهلول ( هشام سليم) ينقلب على ابيه و على هذا العالم الهزلى المتمثل فى الاراجوز .

و يطمع بحياه افضل لا يوجد بها الاراجوز . فيتزوج من ابنه احد الاثرياء طمعا فى المال و الثراء و يطلب من ابيه ان يترك مهنته المفضل لديه .

و لكن الاب يرفض و يترك بهلول الابن ابيه و يرحل .

و لكن يرزق الله الاراجوز ببهلول تاني صغير لكي يربيه على يديه .

هذا كان موجز لهذا الفيلم العظيم .

فهل سوف تجد روح فى فيلم مثل هذا الفيلم العالمي.

هذا الفيلم يمثل الطابع المصري بطريقه حرفيه للغايه .

بلدنا بها اكثر من 50 مليون اراجوز.

كل من ينافق رئيسه هو اراجوز.

كل من يصمت عن الحق هو اراجوز.

كل من يجرى وراء الثراء على حساب بلاده هو اراجوز.

يا جماعه ده الرئيس لوحديه معاه يجى بتاع 2 مليون اراجوز .

و طبعا كلكم عارفين مين هو رئيس فرقه اراجوزات الريس.

هاااااا مش عايزين نقع فى الحكومة.


مع تحيات المخلص لكم دائما.

الاراجوز الصغير.

المعاشات

النهارده بقى نتكلم عن حاجه اغرب من الخيال و هى يوم قبض المعاشات

انا كنت هناك امبارح لذلك شوفت مهاترات بس المشكله كنت ناسى الكاميرا فى البيت

و لكن وعد الشهر اللى جاى ان كان لينا عمر هصور بالصوت و الصوره

علشان محدش يقول اننا بنفترى على الحكومه

المعاشات حكايتها حكايه

الناس اعمارهم لا تقل عن 65 سنه ده المفروض


لكن انا شفت ناس


الدهر اكل منهم و شرب

و بص يا معلم شباكين زي شباكين التذاكر فى المحطه.

الناس طوابير مش طوابير الناس بتدوس فى بعض و حاجه فل

اتفرج الشباكين دول نفر واحد بيقبض الناس

يعنى شويه حريم و شويه رجاله

و الله بقى لو حصلت مشكله فى الطوابير يدخل غفير قرب يبقى فى نفس الطوابير

و معاه بندقيه حاجه غريبه انتيكا من ايام الملك لير

فا انا واقف دخل واحد صاحبي هو و جده اسمه انور كان زميلي من ايام الابتدائية

بس هو ولد راجل يستحق ان الواحد يفضل فاكره فى ظل الغيبوبة المنتشرة

المهم جده عدى يمكن 90 سنه بس كويس بيقدر يمشى المهم انا اول ما شوفته احضان و بوس و كلام من ده

فسالته . انت ايه اللي جيبك النها رده

رد . انت حمار انت مش شايفنى داخل انا و جدى اقبض

حسيت فعلا انى حمار

بس طبيعه الشعب المصري الاستغباء و ليس الغباء

المهم قلت . اااااااه فينك يا راجل من زمان

قالي . ادينى فى الدنيا

رديت . ربنا يسهلك يا عم

المهم قالي . ممكن تقف جنب جدى لحد ما اقبضله

رديت. اوك يا مان انت تأمر

وقفت جنب الراجل العجوز

و انا مخنوق لحد ما اقبض

ولكنى لا اتذكر كم من الوقت وقفت جنبه

لان المده كانت طويله

و كانها ولاده متعثره

فسلمت عليه و مشى

بعد كده الخناقة اشتغلت راجل و ست

اتخانقه مع بعضهم عشان مين واقف فى الطابور الاول

الست بعد ما غلت الراجل شتيمه راحت باكيه

تم التعاطف معها و لم ينظر احد الى هذا المهدورة كرامته

و دي ميزت الشعب المصري ست تقدر تمشيهم على مزاجها

بعد شويه تعبت رحت ماشى

و انا ماشى قلت لما اسم بدنى من شويه اخبار للحكومه اللى منشوره فى جريده الدستور

اشتريته بجنيه و ربع و لازم تاكد على جنيه و ربع هااااا

اول خبر اتفضل

الحكومه ترفع اسعار 55 نوعا من ادويه السكر و الضغط و الروماتيزم

اسعار المكرونه و زيت الذره و عباد الشمس و الجبن و الالبان لم تنخفض

و الطماطم وصلت 3.5 و البطاطس 4 جنيه

يعنى مفيش سلطه

و تالت خبر حريق حزب الغد

استنى الرابع حبس 5 اقباط فتنه طائفيه يعنى

الخامس زياده حالات الطلاق و انخفاض حالات الزواج

انا سمعت شويه الاخبار دى ما رديتش اكمل قرايه الجرنال

رحت ماشى على البيت كلت قرصين طعميه و رحيت شويه

عدى عليا صاحبى

مين .

انا ياد

عايز ايه

يلا هنلعب بلاى ستيشن

على فكره متعتى الوحيده البلاى ستيشن

رحت نازل و رحنا لعبنا خدهم على دماغى و رحت مروح

شوفت حته خبر فى التلفيزيون حاجه تمام

جمال مبارك يتفقد كل حاجه فى الدوله

يعنى الاول كان ابوه

و حاليا ابنه جمال مبارك

اراكم عندما يصبح جمال مبارك

سياده الرئيس جمال مبارك

منذ متى يتولى ..........المناصب

كان يا مكان كان زمان فى ملك .

الملك ده كان معين على كل ولايه من ولايات الدوله اللي هو حاكم عليها عيل من عياله (( امير يعنى )) المهم.

فى يوم من الايام خرج الملك هوا وبعض اصدقائه لصيد الغزلان وبعد وقت ليس بقصير من الصيد.

حدثت مفاجئاه (( اه مفاجئاه )) الجو مطر مطره شديده ورعد وبرق.

فهرول الملك ومن معه كل فرد ذهب فى مكان الملك وجد طالته فى احد الاكواخ فنظر فيه فراى رجل غلبان داخله .

فدخل عليه وساله لماذا تجلس ولم تخرج لتجلب لك طعام ؟
رد عليه الرجل:
يا سيدي كنت اعلم ان الجو سيمطر ويحدث هذا.
ساله الملك:
كيف عرفت ذلك؟

قال له:
يا سيدي هذا حماري عندما ارى اذنه مرفوعه الى فوق اعرف انه لا يريد الخروج لان الجو سيمطر.

عندما سمع الملك هذا الكلام امر ان ياتي الرجل بالحمار الى قصره.

فذهب اليه الرجل بالحمار الى قصره.

فامر الملك بقتل العراف وتعيين الحمار مكانه ومنذ هذا الوقت والحمير تمسك مناصب فى البلد (( ورزقي ورزقكم على الله ))

مش كده ولا ايه

هذه القصه اعجبتني عندما سمعتها .

و لكنها لا تنطبق على حكومه الشعب المصري حاليا حتى.

لكام سبب كده.

اول واحد ان دي جمهوريه مش ملكيه.

لسه العيال ما بقوش امراء.

زمن العراف راح و مش راجع.

لذلك انا مطمئن على نفسي .

احنا شعب مصرى و ليس شعب بهيمى.

و لذلك يحكمونا رجال اشداء زي.

السيد جمال مبارك (من تحت التربيزة).

السيد احمد عز (من فوق التربيزة ومحدش هامه)

السيد حبيب العادلي ( من كل حته فى التربيزة مش مخلى )

السيد احمد نظيف (حاسس و الله اعلم ان الرجل ده دخل الوزارة غلط و انه مش فاهم حاجه)
(اوعى تضحك ما احنا كمان مش فاهمين حاجه)

اوعى تسألني لماذا لم اذكر السيد رئيس الجمهورية محمد حسنى مبارك

لانى مش شايف رئيس جمهوريه اخر مره طلع على التلفزيون او قابل شعبه اللي بيشيل التراب اللي بيمشى عليه

كان بعد ما اتولى الرئاسة فى الانتخابات النظيفة اياها بتاعه رئاسه الجمهورية

انا سمعت من مده عن تعديل وزاري قريب.

طيب يا ترى هيشيل حبيب العادلي اما هيفضل عدوه اللدود و صديقه الودود فى نفس الوقت.

الله اعلم بس لو حد عنده خبر يا ريت يبلغني.

انا مستني زيكم برضه.

زي ما بسال واحد زميلي .

بقوله سمعت حاجه عن التعديل الوزاري و لا لسه.

قالي : روح ربنا يعدلها فى وشك.

ردت: مالك يا عم زعلان ليه

قالي : تعديل ايه اللي انت مستنيه ده مش هيحصل لو ابويا طلع من التربه

فحمد ربنا و سيبته و ركبت اول توصيله للبيت .

فاو انا ماشى شفت حمار عمال ينهق

وفى الاخر نفر فى وشى

بعد ما روحت حسيت انى قربت انهق لما سمعت الخبر اياه واوعى تسالنى ايه هو لانى ماعرفوش

التعليم المباركى

اهلا بيكو معانا مره تانيه

النهارده هنتكلم عن التعليم فى مصر

و ما ادراك ما التعليم فى مصر

انه تعذيب و ليس تعليم

مؤخراااا مات تلميذ على يد مدرسه

لماذااااا

الم تسال نفسك لماذا

المدرس : قرفان من الوزاره و من التعليم و من الكادر اللى مش راضى يحصل

التلميذ : قرفان من التعليم دروس زى الزفت و مواد كلها عك فى عك

اما انا زهقت من الاتنين

التلميذ : لانى كنت تلميذ و كنت بكره اليوم اللى دخلت فيه المدرسه

المدرس : بيجى المدرسه قرفان يطلع همه فى الطلاب

مين السبب بقى

الحدق يفهم

مرتبات تعبانه مش محصله 300 جنيه

طيب ازاى المدرس هياكل منين و يشرب منبن و اولاده هيربيهم ازاى


التلميذ زهقان من الكتب الدراسيه اللى هى اساسا من صنع اللى بالى بالك

زى ما فى مره كنت فى الثانويه

فنزل مفتش المدرسه فى زياره مفاجاءه

و المدرسه عارفها انه جى من قبلها باسبوع

طيب ازاى مفجاْه و ازاى عارفين الميعاد

المهم المدرسه بدات فى التنظيف وكده

دخل المفتش المدرسه

اول ما شافه المدير رحب بيه كأنه ابوه و طلع من التربه

دخل المفتش الفصل

بداء يسال التلميذ

محدش عارف يجاوب امخاخ العيال نظيفه زى حوش المدرسه بالظبط

فسال سؤال كنت عارف اجابته

فقالى جاوب

اول ما قمت

رحت جاوبت بكل ثقه

و لكن الاجابه طلعت غلط

اليوم ده شبعت من التتريقه عليا

و من يومها حلفت انى مش هجاوب على حد ان كان مفتش و لا وزير و لا حسنى مبارك.

لكن رجعت و بدات اسال نفسى بعد حكايه المدرس و الطالب .

ايه اللى حصل للتعليم فى مصر .

لقيت شويه اسباب.

انعدام الضمير لدى المدرس

انعدام المسؤليه لدى الطالب

مفيش مراقبه على التعليم زى الناس

كل واحد همه يترقى او يدور على شغل بعد الظهر علشان يقدر يعيش

يا رجل دى زوجه محمد البرادعى علشان تدى حضانه فى اروبا خدت دكتوراه

و الا ما كانوش وافقو عليها

دكتوراه مش دبلوم معلمين

يا عم صلى على النبى

دا انت فى مصر

و بتنفخ فى قربه مفشوخه مش مخرومه

قطار الصعيد

اول من تنباء بحادثه هذا القطار على فكره انا مش منجم و لا عراف.

لكن (رحم الله امرىء عرف قدر نفسه)

و انا عارف قدر نفسى و بلدى المنكوبه.

يعنى من الطبيعى تحصل حادثه فى بلد زى بلدنا و وزير زى وزيرنا.

المصريين كلهم عارفين انهم فى خطر و مع ذلك مش قادرين يعملو حاجه.

يعنى اول امبارح كنت ماشى مع صلاح (صلاح ده زميلى)

فبتكلم معاه على احوال البلد و حسنى مبارك و اعوانه و المفروض نقف للظلم .

فرد عليا يقول : العفو عند المقدره.

العفو ماشى لكن فين المقدره .

حسيت انه بيصيع عليا رحت سكت و قولت فى عقل بالى مفيش فايده اسكت احسن.

لكن برجع و اتناقش معاه .

اقرب وقت النهارده بكلمه فى حادثه القطار .

فيرد يقولى : ده كان بضاعه مفيهوش بنى ادمين.

انا سمعت كلامه حسيت انى عايز اكله بالقلم على وشه و افوقه .

لكن قولت بلاش ده باين عليه ماشى مع الحكومه و عايز يبلغ عنى .

اصل اليومين دول محدش ضامن نفسه .صلاح زميلى من 10 سنين مع ذلك خايف منه .

كل واحد ياخد باله و بلاش كلام كتير فى السياسه علشان محدش يتعور .

زى ما فى مره امى راحت اشتكتنى لجدتى علشان بتكلم فى السياسه.

فلما قابلت جدتى بعدها قالتلى : بلاش شغل السياسه دى اخرتها وحشه.

انا سمعت الكلمه كان هيغوما عليا لولا مسكت نفسى .

فسالتها : اخرتها وحشه ازاى يعنى .

فردت: اصل الواد احمد جيرنا كان ماشى مع الجماعه السنيين (قصدها الاخوان المسلمين) فقبضو عليه باليل و رموه فى الصحرا و مات من العطش.

انا زى ما تقول كده لقيت نفسى بتكلم مع روحى رحت سيبها و ماشى .

مفيش بعديها بكام يوم رحت عندهم لاقيت المذكور اعلاه احمد جيرانهم واقف قدام الباب

اول ما دخلت رحت سالتها ما احمد رجع اهو و ما حصلوش حاجه

قالتلى : اصله طلع مرشد للمباحث

و كل سنه و انت طيب

يوم 4 نوفمبر.. عيد الحب فى كل مصر... اوعى تقول مصر وحشه.. قول حكومه فاشله و حزب فاشل

دعوه مصريه زى 6 ابريل
عيد الحب بين كل المصريين
عيد لنا ....
كل الاعياد التى نحتفل بها
لم نشارك و لو بذره فيها
فلماذا لا نحرر يوم 4 نوفمبر عيد لنا .
ايها المصرى.. الجيل الحالى لم يشارك فى اى انجازات .
و اقرب انجاز كان 6 اكتوبر..
و الاحياء من هذا الجيل كثير ..
و لكن احنا الشباب .
فلنحتفل بيوم 4 نوفمبر عيد لنا ..
و يا ريت يكون 6 ابريل عيد لنا شاهد على هذا الانجاز .
نعم 6 ابريل كان انجاز اول مره يقوم الشعب ..
منذ ثوره الحراميه اللى كان فيها اهلنا و جيرنا و شعبنا برضه لكن السادات طلعنا حراميه.
الشعب المصرى كله حراميه..كما قال السادات
الشعب المصرى كله مشاغبين...كما قالت حكومه مبارك.
دعوه من اجلك و من اجلى و من اجل 80 مليون مواطن .
دعونا نشارك كل ما عليك ان يكون هذا اليوم يوم لمصر.
علق علم مصر فى بيتك فى عربيتك على ملابسك.
دعوه لكل مصرى 4 نوفمبر .
عيد الحب .
دعوه من اجل الشعب.
دعوه حتى نكون شعب واحد.

بنى اسرائيل

تفتكر ممكن تحصل

لسنا أول بلد انفتح فانسرق..

ولسنا أول شعب غفل فاتنهب..

ولسنا أول وطن تحكمت فيه الديكتاتورية وحكمه الاستبداد فاتدحدر وانحدر!

حصلت قبلنا أكثر من مرة في أكثر من بلد ولأكثر من شعب ووطن، في أمريكا اللاتينية مثلاً كان الطغيان يحكم بلادها كلها، صعد للحكم في

انقلابات عسكرية مجموعة من الظلمة المستبدين الذين خنقوا الشعوب واعتقلوا وسجنوا وقتلوا المعارضين وزوروا الانتخابات ولزقوا علي

مقاعد السلطة.. وانتشرت تجارة المخدرات وتنامت أسواق الكوكايين، ولكن المواطن اللاتيني الذي استسلم وسلم لم يستطع عليهم صبراً وفي

أقل من عشر سنوات ثارت الشعوب وقامت في مظاهرات واعتصامات واحتجاجات عارمة وفي عصيان مدني مستمر وقاد تلك الشعوب

رجال وعلماء دين مسيحي، أدركوا أن الدين يرفض الظلم والاستبداد ويأبي علي المؤمن الحقيقي عبادة الفرد والذل أمام الحاكم وأن شعائر

الدين ليست صلاة وصومًا، بل نضال وكفاح ضد الفساد والاستبداد، فخرجوا من معاهد اللاهوت ومن دور العبادة والكهنوت ليديروا ثورات

سياسية سلمية انتهت بتحول دول أمريكا الجنوبية كلها «ماعدا كوبا» إلي دول ديمقراطية ذات انتخابات حرة نزيهة ورئاسة غير أبدية

وانتقال سلمي للسلطة وللرئاسة «الشعب الفنزويلي رفض في استفتاء شعبي فتح مدة انتخاب الرئيس للأبد ولم يعمل مثل جماعة عندنا

ينافقون ويوافقون ويعبدون رئيسهم»!!، أمريكا الجنوبية وهي تنهض من الطغيان تميزت بشيئين، الأول سياسات رافضة ومعارضة

لأمريكا ولرأسمالية صندوق النقد والبنك الدولي، بل انحازت للفقراء والبسطاء ومحدودي الدخل وشهدت أكبر تراجعات لاكتناز المليارات

وتقلص بروز المليارديرات من نهابي الأمة وسارقي الثروات ومحتكري الأسواق، الشيء الثاني أن الزعامات التي تولت الحكم في انتخابات

شريفة ونزيهة كانوا من أبناء الطبقة الشعبية والمتوسطة ومن العمال والفلاحين!


علي الناحية الأخري، في إيطاليا كان الفساد منذ أقل من عشرين عاماً عارمًا وساحقًا، ونهشت عصابات المافيا كل ركن في ضمير كل

مسئول وحاكم ورئيس، وصارت إيطاليا تقريباً أول بلد في العالم تحكمه عصابات من الرئاسة وحتي كرة القدم، لكن الشعب الإيطالي لم يقل

«مفيش فائدة» وسكت وخاب، أبداً خرج قاض ثم آخر وثالث، وبدأوا يعلنون حرباً في المحاكم ضد مافيا الفساد في الحكم وانتفضت ثورة

القضاة وخلصوا وطنهم من عار العصابات الحاكمة والمتحكمة وعادت إيطاليا ديمقراطية أوروبية عفية.


وفي روسيا وصل بوتين إلي الحكم وكان البلد مسروقاً ومنهوباً تماماً، والمواطن الروسي يأكل من أكوام الزبالة والفتيات الروسيات يحضرن

إلي مصر ليرقصن في شارع الهرم، كان يلتسين قد فتح روسيا لمجموعة من رجال الأعمال والغريب «وربما ليس غريباً» أن معظمهم

كانوا يهوداً، واشتري هؤلاء مصانع القطاع العام وشركات البترول والطاقة المملوكة للدولة، وسيطروا علي أراضي وممتلكات الشعب

الروسي، وحصلوا عليها برخص التراب وبعمولات وسمسرة من عائلة يلتسين، نهب رجال الأعمال الروس والأجانب روسيا وعروها من

قوتها وثروتها، ثم سيطروا علي مقاليد الحكم في الكرملين عن طريق تمويل الحملات الانتخابية وشراء مقاعد البرلمان وبرطعوا في البلد

طولاً وعرضاً، ثم اشتروا الصحف والمجلات التي كانت مملوكة للدولة، وأداروا عملية احتكار إعلامي وغسيل مخ للمواطن الروسي، تولي

بوتين الحكم وأجري حركة تطهير وتجريف لفساد رجال الأعمال الذين نهبوا روسيا، واستطاع أن يحاكم ويسجن عدداً منهم في تهم فساد، ثم

أعاد قسراً وغصباً أو التفافاً ومرواغة الشركات والمصانع التي اشتراها رجال الأعمال لملكية الدولة، ثم دفع كثيراً من أساطين المليارديرات

الروس للتخلي عما اشتروه من شركات البترول والطاقة بالرشوة والفساد والإفساد، وعادت ثروات الشعب للشعب وانتقلت روسيا من دولة

مهترئة ومضعضعة إلي دولة قوية وصلبة وقادرة، ثم إن بوتين «لم يتبت» في رئاسة الدولة، ورضي بأن ينتقل إلي رئاسة الحكومة، هذه

دول نجحت بعد فشل وقامت بعد سقوط، هل يمكن أن تفعل مصر ذلك؟.. معرفش اسألوها!

تعليق

هذا مقال للكاتب الكبير ابراهيم عيسى
و عندما قراته حيرنى هذا السؤال الذى ساله هل ممكن ان تفعل مصر هذا
نعم ممكن يا استاذ ابراهيم ممكن باولادها الشرفاء اللى زى و زيك و زى
كل مصرى بيحب بلده.
بلدنا نعمه من الواجب المحافظه عليها.
تخيل نفسك بدون وطن و بدون هويه.
ماذا يكون حالك.
و هذا السؤال يكون للمصريين و ليس لمصر.
لان مصر هى المجنى عليها .
و الحكام هم الجناه و القضاه.
فهم الخصم و الحكم.
متى نكون ندا لكل ظالم و متجبر.
انى متفاؤل بهذا الجيل الجديد .
و احساسى لم يخيب املى ابدا.
هذا الجيل هو بدايه النهايه.
لمبارك و العادلى و نظيف و بطرس غالى .
هؤلاء هم فرعون و جنوده.
و سوف نقوم نحن بدور بنى اسرائيل فى هذه المسرحيه.
فقومو ايها المصريين .
الا تستطيعو ان تكونو مثل بنى اسرائيل .
اما سوف تبقو تبحثون عن موسى كثيرا.